Шаңхәй һәмкарлиқ тәшкилатидики дөләтләрниң террорлуққа қарши туруш йиғини ечилди


2006.09.29
Share on WhatsApp
Share on WhatsApp

Шаңхәй һәмкарлиқ тәшкилатидики дөләтләрниң террорлуққа қарши туруш әмәлдарлири җүмә күни бейҗиңда топлинип, аталмиш террорчилиққа қарши турушни мәзмун қилған 12 түрлүк һөҗҗәткә имза қойған. Тәрәпләр бу һөҗҗәтләрниң мәзмунини елан қилмиған болсиму, лекин шинхуа ахбарат агентлиқи, бу һөҗҗәтләрниң һәммиси террорчилиққа қарши туруш билән мунасивәтлик икәнликини хәвәр қилди.

Бу қетимқи йиғинни шаңхәй һәмкарлиқ тәшкилатиниң террорчилиққа қарши туруш идариси чақирған. Йиғинда хитай җамаәт хәвпсизлик министири җав юңкаң "террорчилиқ, бөлгүнчилик вә әсәбийликни асас қилған ‘үч хил күчләр’, районниң бихәтәрлики вә муқимлиқиға тәһдит селиватқан асаслиқ амиллар " дәйду. У, шаңхәй һәмкарлиқ тәшкилатидики дөләтләрни террорчилиққа қарши техиму зич һәмкарлишишқа чақирған.

Хитай һөкүмити уйғур сиясий өктичилирини, охшимиған көз қараштики диний затларни, уйғур мустәқилчилирини "үч хил күчләр" дәп бастурсиму, лекин хитай террорчилиқни баһанә қилип, уйғурларни бастурмақта, дәп әйибләнмәктә.

Америка ташқи ишлар министирлиқи йеқинда елан қилған диний әркинлик доклатида, хитайни сиясий өктичиләр вә охшимиған көз қараштики диний затларни террорчилар билән охшаш орунға қоймақта, дәп әйиблиди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.