Sabiq shényang ediliye idarisining bashliqi xen gu'angshéng xitay kommunistik partiyisini eyiblidi

Amérika birleshme agéntliqining shenbe küni xewer qilishiche, kanadada siyasiy panahliq telep qilghan, xitayning shényang shehiri ediliye idarisining sabiq bashliqi xen gu'angshéng, shenbe küni toronto uniwérsitétida ötküzülgen bir yighinda otturigha chiqip , xitay hökümiti üstidin shikayet qilghan.

Xen gu'angshéng, xitayda wezipe ötigen waqtida, xitay saqchilirining 15 yashliq bir qiz falonggong muritini , falonggong meshiq qilishtin waz kechtürelmey, tok kaltek bilen qattiq urghanliqini öz közi bilen körgenliki heqqide ispat bérip, xitay kommunistik partiyisining ikki qoli xelqning qéni bilen boyalghanliqini körsetken.

U yene, xitay hökümitining chet'ellerde jasuslarni nahayiti köp orunlashturghanliqini ashkarilash bilen birge, özining awstraliyige qéchip chiqqan xitay kommunist xadimlirining türtkisi astida ochuq - ashkara meydan'gha chiqqanliqini bildürgen.

Bu yil 52 yashqa kirgen xen gu'angshéng, 2001 - yili xitay wekiller ömiki bilen birlikte kanadagha kelgen we torontodiki xitay bazirida tijaret bilen shughullan'ghan hemde kanada hökümitidin siyasiy panahliq telep qilghan. Xitay hökümiti bolsa uni, kanadada qélish üchün yalghan sözlidi dep eyibligen idi.

Kanada hökümiti, xen gu'angshéngning siyasiy panahliq telipini ret qilghandin kéyin, u kanada aliy sotigha erz sun'ghan. (Eqide)