Robért géyts, xitayning herbiy hazirliqlarni kéngeytishte nime meqsetke yetmekchi boliwatqanliqini soridi


2007-06-01
Share

Amérika dölet mudapi'e ministiri robért géyts, xitayning herbiy hazirliqlarni keng - kölemde kéngeytiwatqanliqini eskertip, buningda xitayni nime meqsetke yetmekchi boluwatqanliqigha chüshenche bérishke chaqirdi. Géyts, sin'gaporda ötküzülidighan asiya - tinch okyan rayoni bixeterlik yighinigha qatnishish meqsitide sin'gaporgha kétiwétip, " shübhisizki xitay herbiy küchini keng - kölemde kéngeytmekte. Bizning diqqet qiliwatqinimiz ularning nime meqsetke yetmekchi boliwatqanliqidur," didi.

Géyts yene, amérika dölet mudapi'e ministirlikining 25 - mayda élan qilghan "xitay herbiy tereqqiyatining ehwali" heqqidiki doklatta otturigha qoyulghan xitay herbiy sélinmisining ochuq - ashkare bolush toghrisidiki chaqiriqini tekrarlidi. U,"pütün kishiler xitay bilen söhbet élip barghanda bir merkizi témini tekitlimekte. U bolsimu ochuq - ashkariliq mesilisidur," deydu. Géytsning eskertishiche, xitayning "herbiy hazirliqlarni kéngeytiwatqanliqi bir heqiqettur.

Ularning bu herbiy küch bilen némilerni qilmaqchi yaki némilerni qilmaqchi emeslikini bilish achquchluq mesile." Amérika dölet mudapi'e ministirliki besh burjeklik bina "xitayning herbiy tereqqiyati" heqqidiki doklatta, xitayning sherqiy asiya rayonida amérikigha qarshi herbiy küchler tengpungluqi qurmaqchi boliwatqanliqini tekitligen.

Xitay, shenbe küni bashlinidighan asiya - tinch okyan rayoni bixeterlik yighinigha xitay azatliq armiyisining mu'awin shtab bashliqi jang chishing bashchiliqidiki bir wekiller ömikini yollidi.(Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet