Pétér péys xitaylarning herby xirajiti jehette ochuq‏ - ashkara bolushi kéreklikini tekitlidi


2007-06-04
Share

Amérika shtab bashliqliri birleshmisining re'isi pétér péys düshenbe küni malaysiyada, xitaylarning herby xirajiti jehette imkaniyetning bériche ochuq ‏- ashkara bolushi kéreklikini tekitlidi.

U muxbirlargha mundaq dédi: "biz ularning bu jehette imkaniyetning bériche ochuq ‏- ashkara bolushini qizghin qarshi alimiz. Shundaq bolghanda biz ularning néme qilishqa temshiliwatqanliqini chüshineleymiz" dédi.

Besh bürjeklik bina aldinqi ayda, xitayning bu yilliq herbiy pilani we herbi küchi heqqide doklat teyyarlap amérika dölet mejilisige yollighan idi.

Doklatta xitayning hökümet terep élan qilghan 43 milyard dollarliq herbiy xamchotining emeliyette uningdin ikki uch hesse yuqiri ikenliki tekitlen'gen we béyjingning uzaq mezgillik herbiy muddi'asining nedin- negiche ikenliki heqqide shübhilerni meydan'gha keltürgen.

Emma, bu hepte axiri sin'gaporda élip bérilghan bixeterlik muhakime yighinida amérika dölet mudapi'e ministiri robért géyts, "biz xitayni herbiy xamchoti jehette ochuq- ashkara bolushqa ündewatqan peytlerde yene, amérika- xitay munasiwetliride ümidwar bolushqimu seweblirimiz bar" dégen idi.

Halbuki, düshenbe küni malaysiyada, pétér péys "amérika- xitayning yaxshi munasiwetlirini dawamlashturush jehette" géytsning bek ümidwar bolup ketkenlikini tekitlidi.

Bu péysning malaysiyagha qilghan tunji sepiri bolup, u malaysiyaning yuqiri derijilik erbabliri bilen bixeterlik söhbiti élip barghandin kiyin malaysiyadin ayrilidu.(Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet