Amérika awstraliyide herbiy baza qurmaqchi


2006.06.19
Share on WhatsApp
Share on WhatsApp

Awstraliye bash ministiri jan xoward (John Howard) amérikining awstraliyide herbiy baza qurushini qarshi alidighanliqini bildürdi.

U düshenbe küni awstraliyining sidnéy shehiride ötküzülgen muxbirlarni kütüwélish yighinida, awstraliyining amérika bilen birlikte ikki herbiy maniwér élip baridighanliqi we amérikining awstraliyining shimaliy rayonida herbiy baza quridighanliqi heqqidiki xewerler üstide toxtilip, amérikiliqlarning awstraliyide baza we yaki herbiy telim -terbiye merkizi quridighanliqi, men qizghinliq bilen qarshi alidighan bir ish, dédi.

Awstraliye bash ministiri jan xoward amérika prézidénti jurj bushning yéqin ittipaqdishi bolup, u amérikining telipige asasen afghanistan we iraqqa herbiy qisimlirini ewetken.

Awstraliye metbu'atida chiqqan xewerlerge asaslan'ghanda, amérika awstraliyining jenubidiki bradshaw rayonida si 17 qatarliq chong herbiy yük toshush ayropilanliri chüsheleydighan ayrodromgha ige bir herbiy baza yasaydiken hemde awstraliyining gherbiy shimaliyidiki yampi sond rayonida ikki qétim herbiy maniwér élip baridiken.

Herbiy mulahizichilerning éytishiche, bu baza amérikining rayondiki heriket qabiliyitini kücheytip, mesile chiqqan yerlerge tézdin herbiy qisim we qoral-yaraq yütkishi üchün nahayiti chok qolayliq yaritidiken.

Awstraliye metbu'atining bildürüshiche, awstraliye hökümiti, xitayni chüchütiwetmeslik üchün qurulidighan herbiy bazilarning chongliqi we da'irisi heqqide köp melumat bérishtin özini qachurmaqta. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet