Amérika we xitayning herbiy emeldarliri söhbet ötküzdi

Amérika we xitayning yuqiri derijilik herbiy emeldarliri peyshenbe küni washin'gtonda ikki dölet mudapi'e sahesidikilerning yilliq söhbitini ötküzdi.

Fransiye axbarat agéntliqining xewirige qarighanda, bu qétimqi söhbet del amérikining xitayning herbiy ishlar tereqqiyatigha bolghan endishisi éshiwatqan, xitay bilen yaponiye, teywen otturisidiki ixtilap küchiyiwatqan, shimaliy koriye özining yadro qoralgha ige ikenlikini élan qilghan bir mezgilge toghra kelgen.

Xewerde éytilishiche, yighin'gha, xitay tereptin xitay azadliq armiyisining mu'awin bash qomandani shung gu'angkey yétekchilikidiki wekiller ömiki, amérika tereptin bolsa, mu'awin dölet mudapi'e ministiri doglas feyis bashchiliqidiki dölet mudapi'e we tashqi ishlar ministirliqining emeldarliri qatnashqan.

Bu, amérika we xitayning herbiy alaqisi 2001 - yili aprilda yüz bergen ikki dölet ayrupilanining soqulush weqesi sewebidin toxtap qalghandin kéyin, ikki terep ötküzgen üchinchi qétimliq dölet mudapi'e söhbiti bolup hisablinidu. (Arzu)