Rand shirkiti: xitayning herbiy ilgharliqi oylighandinmu yuqiri

Amérika hökümitining meblighi bilen qurulghan aqillar gorohi bolghan rand shirkiti yéqinda doklat chiqirip, xitayning dölet mudapi'e sana'itining amérika oylighandinmu köp ilghar ikenlikini otturigha qoydi hemde köpchilikni xitayning herbiy sana'iti qalaq deydighan qarashni pütünley özgertishke chaqirdi.

Rand shirkiti doklatida yene, xitay dölet mudapi'e sana'itining bir qatar nazuk we ilghar qorallarni yasash we layihilesh iqtidarigha ige ikenlikini bolupmu herbiy paraxotlarni yasash jehettiki téxikisining oylighandin köp ilgharliqini eskertti.

Doklatta körsitilishiche, xitayning dölet mudapi'e ishlepchiqirish iqtidarining zor éshishidiki muhim bir seweblerning biri, xitay hökümiti herbiy xirajitini toxtimay ashurghan hemde rusiye we isra'iliye qatarliq döletlerdin kirgüzgen herbiy téxnikilardinmu obdan paydiliniwalghan.

Nöwette amérikida "xitay tehditi" deydighan qarashlar otturigha chiqmaqta. Emma xitay hökümiti amérikining bu "xitay tehditi" neziriyisige qarshi chiqti hemde xitayning herbiy pen-téxnikisining amérikidin köp arqida ikenlikini izchil tekitlep keldi. (Peride)