B d t, süriyidin herriri dilosining tekshürüshige hemkarlishshini telep qildi

Birleshken döletler teshkilati bixeterlik kéngishi düshenbe küni birdek qarar maqullap, süriyidin liwanning sabiq bash ministiri rafiq herririning süyqestke uchrash dilosini tekshüriwatqan b d t ning tekshürüsh guruppisi bilen toluq hemkarlishishni telep qildi. Bolmisa, bixeterlik kéngishining yenimu ilgiriligen tedbirlerni qollinidighanliqini agahlandurdi.

En'giliye b b s radi'o téléwiziye istansisining xewirige qarighanda, b d t bixeterlik kéngishi, rusiye qatarliq döletlerning qarshiliqi bilen, gherb elliri otturigha qoyghan qarar layihisidiki süriyige iqtisadiy jaza qollunush heqqidiki mezmunlarni chiqiriwetken.

B d t ning herriri dilosini tekshürüsh guruppisi ötken hepte deslepki tekshürüsh doklatini élan qilip, süriye we liwanning yuqiri derijilik emeldarlirining rafiq herririning süyqestke uchrash dilosigha chétishliq ikenlikini otturigha qoyghan. Arqidin amérika, fransiye we en'giliye, b d t bixeterlik kéngishidin bu qarar layihisini maqullishini telep qilghan idi.

B d t bixeterlik kéngishi düshenbe künidiki qararida, süriyidin doklatta tilgha élin'ghan gumanliq emeldarlarning mal - mülkini tonglitishni hemde ularning chet'ellerge chiqishini chekleshni telep qildi. Qararda yene " eger süriye rafiq herririning dilosini tekshürüsh ishlirigha hemkarlashmisa, u halda éghir aqiwetlerge düch kélidu" dep körsitilgen. Süriye hökümiti buning aldida b d t ning tekshürüsh doklatini inkar qilip, öz aldigha tekshürüsh élip baridighanliqini bildürgen idi. (Arzu)