Pakistan we hindistan rehberliri ixtilaplarni hel qilishqa kélishti


2005-04-18
Share

Pakistan prézidénti perwiz musherrepning hindistan'gha qaratqan üch künlük ziyariti axirlashti.

Perwiz musherrepning ziyariti jeryanida, pakistan bilen hindistan rehberliri ikki dölet arisidiki tijaret we sayahet ishlirini rawajlandurush toghrisida bir qatarliq kélishimlerni imzalidi.

Hindistan bash ministiri munmaxan sing pakistan prézidénti perwiz musherrep bilen birlikte muxbirlargha bergen bayanatida, ikki dölet rehberlirining keshmir mesilisini birterep qilish üchün jiddiy we semimiy yosunda söhbet élip bérish toghrisida kélishkenlikini bildürdi.

Amérika birleshme agéntliqining xewer qilishiche, gerche hindistan we pakistan rehberliri otturisida élip bérilghan söhbetlerde keshmir mesiliside chong bir ilgirilesh bolmighan bolsimu, emma her ikki terep keshmir mesilisidiki ixtilaplirini bir terepke qayrip qoyup, köprek ikki dölet hemkarlishalaydighan mesililerni muzakire qilish istratégiyisini élip bérip, bu sahelerde hemkarlishish toghrisida kélishimler imzalighan.

Xewerlerge qarighanda, hindistan we pakistan rehberliri élip bérilghan söhbetlerning netijiliridin nahayiti xursen iken.

Pakistan prézidénti perwiz musherrep düshenbe küni ettigen muxbirlargha bergen bayanatida, hindistan rehberliri bilen élip bérilghan söhbetler, uning kütkinidinmu yaxshi netijilerge érishkenlikini tekitlidi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet