ھىندىستان بىلەن خىتاي تۈنجى قارار ئىستراتېگىيىلىك سۆھبەتنى باشلىدى


2005-01-24
Share

ئاسىيادىكى چوڭ دۆلەتلەر ھېسابلانغان ھىندىستان بىلەن خىتاي دۈشەنبە كۈنى تۈنجى قارار "ئىستراتېگىيىلىك سۆھبەت" نى باشلىدى.

فرانسىيە ئاخبارات ئاگېنتلىقىنىڭ خەۋىرىگە قارىغاندا، خىتاينىڭ مۇئاۋىن تاشقى ئىشلار مىنىستىرى ۋۇ داۋىي بىلەن ھىندىستان تاشقى ئىشلار مىنىستىرى شيام ساران يېڭى دېھلىدا ئىككى كۈنلۈك سۆھبەتنى باشلىغان. ئۇلارنىڭ مەزكۇر سۆھبىتىنىڭ ئېنىق كۈنتەرتىپى بېكىتىلمىگەن بولۇپ، ئاساسلىقى ئىككى دۆلەت مۇناسىۋىتىنى كېڭەيتىش، خەلقئارا تېررورچىلىق ۋە رايون بىخەتەرلىكى قاتارلىق مەسىلىلەرنى مۇزاكىرە قىلىدىكەن.

مەزكۇر سۆھبەتنىڭ يەنە بىر مەقسىتى خىتاي باش مىنىستىرى ۋىن جياباۋنىڭ بۇ يىل 3 - ئايدا ھىندىستانغا قىلىدىغان سەپىرى ئۈچۈن تەييارلىق كۆرۈش ئىكەن.

ھىندىستان بىلەن خىتاي 1962 - يىلى چېگرا مەسىلىسى سەۋەبىدىن توقۇنۇشقاندىن كىيىن، ئىككى دۆلەت مۇناسىۋىتى سوغۇق بولۇپ كەلگەن ئىدى. يېقىنقى يىللاردىن بۇيان ئىككى تەرەپ سودا مۇناسىۋىتىنى ياخشىلاشنى كۆزدە تۇتۇپ، باشقا مەسىلىلەرنى قايرىپ قويۇشقا تىرىشماقتا. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت