Hindistan bilen xitay tünji qarar istratégiyilik söhbetni bashlidi


2005-01-24
Share

Asiyadiki chong döletler hésablan'ghan hindistan bilen xitay düshenbe küni tünji qarar "istratégiyilik söhbet" ni bashlidi.

Fransiye axbarat agéntliqining xewirige qarighanda, xitayning mu'awin tashqi ishlar ministiri wu dawiy bilen hindistan tashqi ishlar ministiri shyam saran yéngi déhlida ikki künlük söhbetni bashlighan. Ularning mezkur söhbitining éniq küntertipi békitilmigen bolup, asasliqi ikki dölet munasiwitini kéngeytish, xelq'ara térrorchiliq we rayon bixeterliki qatarliq mesililerni muzakire qilidiken.

Mezkur söhbetning yene bir meqsiti xitay bash ministiri win jyabawning bu yil 3 - ayda hindistan'gha qilidighan sepiri üchün teyyarliq körüsh iken.

Hindistan bilen xitay 1962 - yili chégra mesilisi sewebidin toqunushqandin kiyin, ikki dölet munasiwiti soghuq bolup kelgen idi. Yéqinqi yillardin buyan ikki terep soda munasiwitini yaxshilashni közde tutup, bashqa mesililerni qayrip qoyushqa tirishmaqta. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet