گوللاندىيىدىكى ئولىمپىك ۋە كىشىلىك ھوقۇق مەسىلىسى ھەققىدىكى يىغىن خىتاينى بىئارام قىلدى
2008.01.18
گوللاندىيىدىكى بېيجىڭ ئولىمپىك يىغىنى ۋە خىتاي كىشىلىك ھوقۇقى خاتىرىسى ھەققىدىكى يۇمۇلاقئۈستەل يىغىنى خىتاينىڭ گوللاندىيە باش ئەلچىسىنى خېلىلا بىئارام قىلدى. باش ئەلچى شۆ خەنچىڭ شۇ كۈنى گوللاندىيە de Volkskrant گېزىتىدە ماقالە ئېلان قىلىپ، كىشىلىك ھوقۇقنى ئولىمپىك يىغىنى بىلەن مۇناسىۋەتلەندۈرۈشكە قارشى تۇرىدىغانلىقىنى بىلدۈردى. ئۇ، بۇ يىغىندا "خەلقئارا سىياسى مەسىلىلەر بىلەن بېيجىڭ ئولىمپىك يىغىنى ئارىسىدا مۇناسىۋەت قۇرۇلدى. بىز ئولىمپىك پرىنسىپلىرىغا توغرا كەلمەيدىغان بۇ تۈردىكى مۇناسىۋەتلەندۈرۈشنى قوبۇل قىلمايمىز،" دەيدۇ.
پەيشەنبە كۈنى گوللاندىيىنىڭ گائاگا شەھىرىدە ئۆتكۈزۈلگەن يۇمۇلاق ئۈستەل يىغىنىدا ئولىمپىك يىغىنى ۋە خىتاي كىشىلىك ھوقۇقى خاتىرىسى مۇزاكىرە قىلىنغان بولۇپ، يىغىنغا گوللاندىيە تاشقى ئىشلار مىنىستىرى ماكسىم ۋېرخاگېن، گوللاندىيىلىك چولپان ئەرىك فون ميۇزۋېنكېل ھەم گوللاندىيىكى ئۇيغۇرلار، تىبەت ۋە فالۇنگوڭ ۋەكىللىرى ھەم كىشىلىك ھوقۇقنى قوغدىغۇچى ئاممىۋى تەشكىلاتلار قاتناشقان. يىغىندا ئۇيغۇرلار، تىبەتلەر، فالۇنگوڭچىلار، كۆپچىلىك ئاممىۋى تەشكىلاتلار ۋە گوللاندىيىلىك چولپان ئەرىك فون ميۇزۋېنكېل بېيجىڭ ئولىمپىك يىغىنىنى بايقۇت قىلىشنى تەلەپ قىلغان.
رويتېرس ئاگېنتلىقىنىڭ خەۋەر قىلىشىچە , يىغىندا تاشقى ئىشلار مىنىستىرى ۋېرخاگېن، ئولىمپىك يىغىنى يېقىنلاپ كېلىۋاتقان بولسىمۇ، خىتايدا كىشىلىك ھوقۇققا ھۆرمەت قىلىش ناچارلىشىپ كېتىشتەك ئەھۋالدىن بىئارام بولۇۋاتقانلىقىنى ئەسكەرتىپ، لېكىن ئولىمپىك يىغىنىنى بايقۇت قىلىش ئەكسىچە ئۈنۈم بېرىدىغانلىقىنى، سۆھبەت ئارقىلىق تېخىمۇ كۆپ نەرسىگە ئېرىشىشكە بولىدىغانلىقىنى بىلدۈرگەن. ئۇ، "ئەگەر سىز سۆز ئەركىنلىكى ۋە ئاخبارات ئەركىنلىكىگە قارىسىڭىز ۋەزىيەتنىڭ يامانلىشىپ كېتىۋاتقانلىقىنى كۆرىسىز. بىز بۇ مەسىلىلەردە خىتاي بىلەن سۆزلىشىشىمىز كېرەك،" دەيدۇ. ۋېرخاگېن، خىتاينىڭ ئولىمپىك يىغىنى ئارقىلىق دۇنياغا ئۆزىنى كۆرسەتمەكچى ۋە ئېچىلماقچى بولىۋاتقانلىقىنى، بۇ ئەھۋالدا ئۆزىنىڭ خىتاي بىلەن كىشىلىك ھوقۇقى سۆھبىتى ئېلىپ بېرىلىشكە ئىشىنىدىغانلىقىنى بىلدۈردى. لېكىن ئۇيغۇر تەشكىلاتلار خىتاينىڭ ئۇيغۇر ئىلىدا يولغا قويۇۋاتقان مەۋجۇت سىياسىتى ئاستىدا ئولىمپىك مۇسابىقىسى ئۆتكۈزۈش ئولىمپىك روھىغا خىلاپ، دەپ قارىماقتا.
تۆۋەندىكى ئۇلىنىشتىن، مۇخبىرىمىز ئەركىننىڭ بۇ ھەقتىكى مەلۇماتىنى ئاڭلايسىز.
مۇناسىۋەتلىك ماقالىلار
- ئەنگىلىيە باش مىنىستىرى بروۋىن خىتاي ۋە ھىندىستانغا قاراتقان زىيارىتىنى باشلىدى
- گوللاندىيە تاشقى ئىشلار مىنىستىرلىكىنىڭ بېيجىڭ ئولىمپىكىنى بايقۇت قىلىش يۇمۇلاق ئۈستەل يىغىنىدا ئۇيغۇر مەسىلىسى دىققەتنى تارتتى
- ئامېرىكا ۋە ھىندىستاننىڭ جۇڭگو بىلەن بولغان ھەربىي ھەمكارلىقى توغرىسىدا
- ھىندىستان باش مىنىستىرى مانمۇھان سىنخ خىتاينى زىيارەت قىلدى
- ھىندىستان باش مىنىستىرى سىڭك خىتاينى زىيارەت قىلىش ئۈچۈن بېيجىڭغا يېتىپ كەلدى
- ھىندىىستان باش مىنىستىرى خىتاي زىيارىتىنى باشلىدى
- ئامېرىكا دۆلەت مەجلىسى ئەزالىرى خىتاي ھەققىدە بىر قاتار پائالىيەتلەرگە تەييارلانماقتا
- ھىندىستان، خىتاي ۋە رۇسىيە ئىقتىسادىي ھەمكارلىق يىغىنى
كۆپ كۆرۈلگەن خەۋەرلەر
RFA
- خىتاي دائىرىلىرىنىڭ ئۇيغۇر دىيارىدا چەت ئەل ئەپلىرىنى چەكلەش ئاگاھلاندۇرۇشى نېمىنىڭ بېشارىتى؟
- ۋاشىنگتون ئەتراپىدىكى ئۇيغۇرلار بۇ يىللىق روزا ھېيت نامىزىنى بىرگە ئوقۇپ، روزا ھېيتىنى كۈتۈۋالدى
- ياركەنت خانلىقى ۋە غوجىلار دەۋرىدىن قالغان ھۆججەتلەر خارۋارد ئۇنىۋېرسىتېتىدا
- زۇمرەتئاي ئەركىن خان جەمەتى چېركاۋىدا ئۇيغۇر ئىرقىي قىرغىنچىلىقىنى تونۇشتۇرغان
- ناخشىچى ئەركىن ئابدۇللا خىتاينىڭ «شىنجاڭ ھېكايىسىنى ياخشى سۆزلەش» تەشۋىقات سېپىدىن ئورۇن ئالغان