خوللىۋۇتنىڭ فىلىم دىرېكتورى سپىلبېرگ ئەپەندى بېيجىڭ ئولىمپىك مۇسابىقىسىدىن چېكىندى


2008-02-13
Share

ھوللىۋۇتنىڭ فىلىم دىرېكتورى ستۋېن سپىلبېرگ ئەپەندى بېيجىڭ ئولىمپىك مۇسابىقىسىنىڭ سەنئەت مەسلىھەتچىلىكىدىن ئىستىپا بەردى. ب ب س نىڭ بايان قىلىشىچە، ئۇ ۋەزىپىدىن ئىستىپا بېرىش باياناتىدا 'مەن بېيجىڭ ئولىمپىك مۇسابىقىسىنىڭ ئېچىلىش ۋە مۇقەددىمە مۇراسىمىغا قاتنىشىشتىن ۋاز كەچتىم' دەپ جاكارلىدى.

سپىلبېرگ ئەپەندى بۇنىڭدىن بۇرۇن خىتاي ھۆكۈمىتىنى 'دارفوردا 200 مىڭ ئادەمنى يۇرتىدىن قوغلاپ چىقىرىدىغان پاجىئەنى پەيدا قىلدى'، 'ئولىمپىك مۇسابىقىسى ئۆتكۈزۈش ھوقۇقىغا ئېرىشىۋالغاندىن كېيىنلا، كىشىلەرگە سىياسىي بىلەن ئولىمپىك مۇسابىقىسىنى بىرلەشتۈرۈۋالدى، دەپ زەربە بېرىشكە باشلىدى' دەپ ئەيىبلىگەن ئىدى. خىتاي ھۆكۈمىتى بولسا، بۇ ئەيىبلەشلەرگە پىسەنت قىلمىغان ئىدى. بۇ قېتىم بېيجىڭ ھۆكۈمىتى سپىلبېرگ ئەپەندىنىڭ ئولىمپىكتىن چېكىنگەنلىكىگە قاتتىق ئاچچىقلانغان.

ئارتىس ميا فارروۋ خانىم ب ب س مۇخبىرىغا "مەن سپىلبېرگ ئەپەندىنىڭ قارارىنى قارشى ئالىمەن، مېنىڭ قارىشىمچە، بۇرۇن چوڭ قىرغىنچىلىقتىن ئامان قالغان بۇ يەھۇدىنىڭ ھازىر 'مىللىي قىرغىنچىلىق قىلىدىغان بېيجىڭ ئولىمپىك مۇسابىقىسى'غا قاتناشماسلىقى تەبىئىي" دېدى. (ۋەلى)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت