خىتاي ھوللىۋۇد رېژىسسورىنىڭ ئولىمپىكقا قاتنىشىشتىن ۋاز كەچكەنلىكىگە قارىتا ئىنكاس قايتۇردى


2008-02-14
Share

مەشھۇر ھوللىۋۇد فىلىم رېژىسسورى ستۋېن سپىلبېرگ ئەپەندى بېيجىڭ ئولىمپىك مۇسابىقىسىنىڭ سەنئەت مەسلىھەتچىلىكىدىن ئىستىپا بەرگەندىن كېيىن، خەلقئارادا كۈچلۈك غۇلغۇلا قوزغالغان ئىدى. خىتاي تاشقى ئىشلار مىنىستىرلىقىنىڭ باياناتچىسى ليۇ جەنچاۋ پەيشەنبە كۈنى دەرھال بۇ ھەقتە ئىنكاس قايتۇرۇپ، "دارفۇر مەسىلىسى بىلەن ئولىمپىك مۇسابىقىسىنى بىر - بىرىگە چېتىۋېلىش ئولىمپىك روھىغا خىلاپ،" دەپ بىلدۈردى.

رېژىسسور ستىۋېن ئىلگىرى، خىتاي ھۆكۈمىتىنىڭ دارفۇردا 200 مىڭ ئادەمنى يۇرتىدىن قوغلاپ چىقىرىدىغان پاجىئەنى پەيدا قىلغان بىر دۆلەت ئىكەنلىكىنى، ئولىمپىك ئۆتكۈزۈش ھوقۇقىغا ئېرىشكەندىن كېيىن، كىشىلىك ھوقۇقنى ياخشىلاش ئەمەس، بەلكى "سىياسەت بىلەن ئولىمپىك مۇسابىقىسىنى بىرلەشتۈرۈۋېلىش، ئولىمپىك روھىغا خىلاپ"دەپ ئۆزىنى ئاقلاشقا كىرىشكەنلىكىنى بىلدۈردى.

كۆزەتكۈچىلەرنىڭ ئېيتىشىچە، ئولىمپىك مۇسابىقىسىنىڭ سەنئەت مەسلىھەتچىلىكىگە تەكلىپ قىلىنغان ستۋېننىڭ، " مەن بېيجىڭ ئولىمپىك مۇسابىقىسىنىڭ ئېچىلىش مۇراسىمىغا قاتنىشىشتىن ۋاز كەچتىم " دەپ جاكارلىشى، ئەلۋەتتە بىر تەرەپتىن خىتاينىڭ خەلقئارادىكى ئابرويىغا ئېغىر تەسىر كۆرسەتسە، ستىۋېننىڭ، دارفۇر قىرغىنچىلىقىدا خىتاينىڭ ئويناۋاتقان رولىنىڭ ئىنتايىن چوڭ ئىكەنلىكىنى تىلغا ئېلىشى، خىتاينىڭ يالغۇز ئۆز دۆلىتىدىكى خەلقنىڭ كىشىلىك ھوقۇقىنى دەپسەندە قىلىپلا قالماي بەلكى باشقا دۆلەتلەرنىڭ كىشىلىك ھوقۇق دەپسەندىچىلىكىگە دەستەك بېرىۋاتقانلىقىنى ئىپادىلەيدىكەن. (ئەقىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت