Xitay holliwud rézhissorining olimpikqa qatnishishtin waz kechkenlikige qarita inkas qayturdi


2008.02.14

Meshhur holliwud filim rézhissori stwén spilbérg ependi béyjing olimpik musabiqisining sen'et meslihetchilikidin istipa bergendin kéyin, xelq'arada küchlük ghulghula qozghalghan idi. Xitay tashqi ishlar ministirliqining bayanatchisi lyu jenchaw peyshenbe küni derhal bu heqte inkas qayturup, "darfur mesilisi bilen olimpik musabiqisini bir - birige chétiwélish olimpik rohigha xilap," dep bildürdi.

Rézhissor stiwén ilgiri, xitay hökümitining darfurda 200 ming ademni yurtidin qoghlap chiqiridighan paji'eni peyda qilghan bir dölet ikenlikini, olimpik ötküzüsh hoquqigha érishkendin kéyin, kishilik hoquqni yaxshilash emes, belki "siyaset bilen olimpik musabiqisini birleshtürüwélish, olimpik rohigha xilap"dep özini aqlashqa kirishkenlikini bildürdi.

Közetküchilerning éytishiche, olimpik musabiqisining sen'et meslihetchilikige teklip qilin'ghan stwénning, " men béyjing olimpik musabiqisining échilish murasimigha qatnishishtin waz kechtim " dep jakarlishi, elwette bir tereptin xitayning xelq'aradiki abroyigha éghir tesir körsetse, stiwénning, darfur qirghinchiliqida xitayning oynawatqan rolining intayin chong ikenlikini tilgha élishi, xitayning yalghuz öz dölitidiki xelqning kishilik hoquqini depsende qilipla qalmay belki bashqa döletlerning kishilik hoquq depsendichilikige destek bériwatqanliqini ipadileydiken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.