Shotlandiye ministiri xitayning kishilik hoquq weziyiti toghrisida söz achti


2004-10-13
Share

Xitaygha besh künlük ziyaretke barghan shotlandiyining bash ministiri jek makkonél (Jack McConnel) xitayning mu'awin tashqi ishlar ministirigha, xitaydiki kishilik hoquq depsendichiliki ehwalidin endishe qiliwatqanliqini bildürdi.

Shotlandiyide chiqidighan xérald gézitide élan qilin'ghan xewerde melum bolishiche, makkonél xitaygha bérishtin burun, shotlandiyidiki qarshi partiyiler we xelq'ara kechürüm teshkilati uninggha xitayning kishilik hoquq ehwali üstide söz échish toghrisida bésim ishletken.

Xewerde melum bolishiche, xelq'ara kechürüm teshkilati makkonélgha yene, xitay türmiside yétiwatqan Uyghur tarixchisi toxti tuniyazning mesilisini alahide tilgha élishini telep qilghan.

Ministir makkonél xelq'ara kechürüm teshkilati teyyarlighan doklatlarni xitayning mu'awin tashqi ishlar ministiri jang yésüy bilen ötküzgen söhbetke élip kirip, xitayda yüz bériwatqan siyasiy öktichilerni qolgha élish, türmilerde qiyin-qistaq qilish, ölüm jazasi bérish we diniy erkinlikni boghushqa oxshash kishilik hoquq depsendichiliklirini otturigha qoyghan.

Xelq'ara kechürüm teshkilati makkonélning xitaydiki ipadisidin xushal bolup, "makkonél nahayiti obdan qildi. Biz bashqa siyasonlarningmu uninggha oxshash pozitsiye tutup, xitayning kishilik hoquq weziyitini yaxshilashqa türtke bolishini ümid qilimiz" dédi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet