Ху җинтавниң америка сәпири кечиктүрүлди


2005.09.04
Share on WhatsApp
Share on WhatsApp

Америка вә хитай даирилири шәнбә күни, америкида йүз бәргән качина деңиз чапқуни апити сәвәбидин, хитай дөләт рәиси ху җинтавниң америкиға қилидиған зияритиниң вақтинчә кечиктүрүлгәнликини елан қилди.

Ақ сарайниң баянатидин мәлум болушичә, буш билән ху җинтав шәнбә күни телефонда параңлишип, иккила тәрәпкә әплик вақит болғанда андин сөһбәт өткүзидиғанға келишкән.

Улар йәнә, америкида йүз бәргән апәт тоғрисида параңлашқан. Шундақла хитай даирилири бу апәт үчүн америкиға 5 милйон америка доллири ярдәм қилидиғанлиқини билдүрди.

Ху җинтавниң америкиға қилмақчи болған бу сәпири, униң хитай дөләт рәисликигә тәйинләнгәндин буянқи тунҗи зиярити һесаблинидиған болуп, америкидики кишилик һоқуқ тәшкилатлири вә уйғур, тибәт, фалунгоң тәшкилатлири униң бу йәрдики зиярити давамида, чоң көләмдә намайиш өткүзүшни пиланлиған иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.