Xu jintaw wéytnam parlaméntida söz qildi


2005-11-01
Share

Wéytnamni ziyaret qiliwatqan xitay dölet re'isi xu jintaw ziyaritining 2 - küni wéytnam ‎parlaméntida söz qilip, asiya ellirini xitayning iqtisadi we siyasi tereqqiyatidin ‎qorqmasliqqa ündidi. ‎

Xitay, amérikining yer sharidiki birdin - bir yitekchilik ornigha qarshi ‎tengpunglashturghuchi dölet bolush üchün uruniwatqan bir chaghda xu jintaw, asiya ‎ellirini ittipaqliqqa chaqirip, "jonggoning tereqqiyat yoli tinchliq , köp tereplimilik we ‎hemkarliq," dep tekitlidi.‎

‎ U mundaq deydu: "jonggoning tereqqiyati héchnersige tosalghu bolmaydu, héchkimge ‎ziyan salmaydu. Eksinche tinchliq , muqimliq we yer sharining güllinishige paydiliq." ‎

Emma xu jintaw, nutuqida amérikining yer sharidiki yitekchilik ornigha qarshi xitayning ‎tengpunglashturghuchi rol oynash gherizi barliqidin bisharet berdi. U, " jonggo köp ‎qutuplishish, yer sharilishish we dunyada adil siyasi- iqtisadi séstima qurushni aktip ilgiri ‎süridu," deydu. Xu jintaw, "jonggodiki zor özgürüshler jonggoning weziyitini asas ‎qilghan tereqqiyat yoligha mangghanliqimiz bilen munasiwetlik," dep tekitligen. ‎

Xitayning yéqinqi yillardiki iqtisadi - siyasi tereqqiyati uning asiyadiki xoshnilirini ‎bolupmu wéytnamni jiddi endishige salmaqta idi. Wéytnam, 1979 - yildiki chégra ‎toqunushida xitay qoralliq qisimlirining hujumigha uchrighan. Xitay qoralliq küchliri ‎wéytnam paytexti xanoyning bosughisighiche bésim kelgen idi.‎

‎ Xu jintaw hazirgha qeder wéytnam parlaméntida söz qilghan 3 - chet'el dölet rehbiri ‎bolup hésablinidu. (Erkin)‎

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet