Хитай дөләт рәиси ху җинтав испанийидә зиярәттә болди

• 
  2005-11-14

Хитай дөләт рәиси ху җинтав германийидики үч күнлүк зияритини аяқлаштуруп, йәкшәнбә күни испанийигә йетип келип яврупа зияритиниң ахирқи бекитидә тохтиди. Бу арида кишилик һоқуқ тәшкилатлириниң қаршилиқ көрситиш паалийәтлириму давамлашти.

Ху җинтав германийидики зиярити давамида, германийиниң көмүр кан бихәтәрлик ишләпчиқириш техникиси билән тонушуп чиқиш үчүн санаәт районлирини көздин кәчүргән , бу җәрянда униң билән учрашқан мунасивәтлик рәһбәрләр икки дөләт иқтисадий мунасивитини күчәйтишни оттуриға қоюш билән биргә , кишилик һоқуқ вә сиясий әркинлик мәсиллирини тәкитлигән һәмдә кишилик һоқуқ ялғуз ғәрб әллиригә хас бир қиммәт қариши болмастин, хитайниң қәдимқи пәлсәпәлиридиму кишилик һоқуқ идийисиниң тәрипләнгәнликини тәкитлигән.

Франсийә агентлиқиниң хәвиригә қариғанда, ху җинтав мадрид шәһиригә йетип келиштин бир күн бурун , хәлқара кишилик һоқуқ тәшкилатлиридин, хәлқара кәчүрүм тәшкилати, чеграсиз мухбирлар тәшкилати һәмдә мәркизи испанийидики тибәтни һимайә қилиш тәшкилати қатарлиқ тәшкилатлар мадридтики мәркизий мәйданда хитайниң кишилик һоқуқ хатириси үстидин наразилиқ билдүрүш паалийити өткүзгән. Улар йәнә дүшәнбә күни хитайниң испанийидә турушлуқ баш әлчиханиси алдида чоң көләмлик намайиш өткүзгән. (Әқидә)