Xitay dölet re'isi xu jintaw ispaniyide ziyarette boldi

• 
  2005-11-14

Xitay dölet re'isi xu jintaw gérmaniyidiki üch künlük ziyaritini ayaqlashturup, yekshenbe küni ispaniyige yétip kélip yawrupa ziyaritining axirqi békitide toxtidi. Bu arida kishilik hoquq teshkilatlirining qarshiliq körsitish pa'aliyetlirimu dawamlashti.

Xu jintaw gérmaniyidiki ziyariti dawamida, gérmaniyining kömür kan bixeterlik ishlepchiqirish téxnikisi bilen tonushup chiqish üchün sana'et rayonlirini közdin kechürgen , bu jeryanda uning bilen uchrashqan munasiwetlik rehberler ikki dölet iqtisadiy munasiwitini kücheytishni otturigha qoyush bilen birge , kishilik hoquq we siyasiy erkinlik mesillirini tekitligen hemde kishilik hoquq yalghuz gherb ellirige xas bir qimmet qarishi bolmastin, xitayning qedimqi pelsepeliridimu kishilik hoquq idiyisining teriplen'genlikini tekitligen.

Fransiye agéntliqining xewirige qarighanda, xu jintaw madrid shehirige yétip kélishtin bir kün burun , xelq'ara kishilik hoquq teshkilatliridin, xelq'ara kechürüm teshkilati, chégrasiz muxbirlar teshkilati hemde merkizi ispaniyidiki tibetni himaye qilish teshkilati qatarliq teshkilatlar madridtiki merkiziy meydanda xitayning kishilik hoquq xatirisi üstidin naraziliq bildürüsh pa'aliyiti ötküzgen. Ular yene düshenbe küni xitayning ispaniyide turushluq bash elchixanisi aldida chong kölemlik namayish ötküzgen. (Eqide)