Xu jintaw se'udiy erebistanni ziyaret qildi


2006.04.23
Share on WhatsApp
Share on WhatsApp

Xitay dölet re'isi xu jintaw amérikidiki ziyaritini axirlashturghandin kéyin, shenbe küni se'udiy erebistan paytexti riyadqa kélip bu yerdiki dölet ishliri ziyaritini bashlidi.

Xuning se'udiy erebistandiki ziyaritining asasliq meqsidi, xitay iqtisadining téz tereqqiyati üchün téximu köp énérgiye menbesi izdesh. Xu jintaw se'udiy erebistanni ziyaret qilghan birinchi künila ikki terep mudapi'e, bixeterelik we soda saheliride bir yürüsh kélishimlerni tüzüshti. Emma bu kélishimlerdiki mezmunlar tepsiliy tonushturulmighan.

Xu jintaw se'udiy erebistandiki mezgilide, xitayning se'udiy erebistan bilen qolgha keltürgen siyasiy, iqtisadiy we medeniy hemkarliqliridiki netijilerdin qana'etlinidighanliqini bildürüp, uning bu sepirining ikki dölet we xelqi otturisidiki dostluqni téximu kücheytidighanliqini éytti.

Hazir xitay dunyada amérikidin qalsa ikkinchi chong néfit istimal qilghuchi dölet bolup, shu sewebtin xitay xelq'ara bazarda küchining bériche énérgiye menbesi izdeshke tirishmaqta. Se'udiy erebistan, xitayning bu sahediki muhim nishanlirining biri. Shundaqla xitay import qilidighan néfitning 17% i se'udiy erebistandin kélidu. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.