Xu jintaw se'udi erebistan milliy kéngishide söz qildi


2006.04.24

Xu jintaw yekshenbe küni se'udi erebistan milliy kéngishide qilghan sözide, xitayning se'udi erebistan we bashqa ereb döletliri bilen birlikte ottura sherqte tinchliq ornitish üchün tirishchanliq körsitishke teyyar ikenlikini bildürdi.

Xu jintaw, fransiye prézidénti jang shiraktin kéyin, se'udi erebistan milliy kéngishide söz qilghan ikkinchi chet dölet rehbiri hésablinidu.

Amérikidiki bezi siyasiy analizchilar, xitayning, amérikining ottura sherqtiki siyasiy tesirige taqabil turush üchün jiddiy tirishchanliq ki'örsitiwatqanliqini, shunga rayondiki ereb döletlirining qollishigha érishish üchün se'udi erebistan ziyariti jeryanida ottura sherqte tinchliq we muqimliqni qaytidin turghuzush mesilsini tekitligenlikini bildürmekte.

Ularning éytishiche, amérikining ottura sherqtiki siyasitige qarshi bolghan ereb döletlirimu xitay bilen yéqin munasiwet ornitishqa tirishmaqta. Se'udi erebistan xitay bilen yéqin munasiwet ornitish üchün jiddiy qedemler tashlawatqan ereb döletlirining biri hésablinidu. Lékin, amérikining ittipaqdishi bolghan se'udi erebistan, xitay bilen bolghan munasiwitining tereqqi qilishining amérika bilen bolghan munasiwetlrige tesir yetküzmeydighanliqini bildürmekte.

Xewerlerge qarighanda, xujintawning ziyariti jeryanida, xitay bilen se'udi erebistan otturisida mudapi'e, bixeterlik we soda saheside bir qatar kélishimler imzalandi. Xu jintaw se'udi erebistandiki ziyaritini axirlashturghandin kéyin, düshenbe küni marakesh ziyaritini bashliwetti.(Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.