Xu jintaw afridiki ziyaritini axirlashturdi


2006-04-28
Share

Dunyaning eng namrat, lékin teb'iy bayliqi eng mol qit'esini ziyaret qiliwatqan jonggo re'isi xu jintaw, jüme küni nayrobida kéniye bilen néfit -énérgiye kélishimi imzalap, jonggo hökümiti "bashqilarning ichki ishlirigha arlashmasliqi siyasiti" boyiche mangidighanliqini bildürdi. Bu xu jintawning buningdin 3 yil ilgiri hakimiyetni ötküzüwalghandin béri afriqa ellirini 2- qétim ziyaret qilishi bolup hésablinidu.

Afriqa axirqi 5 yil ichide xitay mallirini éksport qilidighan muhim bazar bolup qaldi we ikki terepning 2005 - yildiki soda hejimi 40 milyard dollargha yetti. Xitayning afriqidiki pa'aliyitini tenqid qilghuchilar, mezkur kommunistik döletning afriqidiki iqtisadi tesir küchi zoriyiwatqanliqini we bu döletning zimbabuwige oxshash istibdat ellerni, darfur rayonida "étnik tazilash" élip bardi, dep eyiplen'gen sudan'gha oxshash döletlerni qollawatqanliqini eyiblimekte.

Xu jintaw jüme küni kéniye prézidénti mway kébaki bilen ötküzgen muxbirlarni kütüwélish yighinida " bizning afriqa elliri bilen bolghan alaqimiz afriqa ellirining siyasi modiligha hörmet qilish prinsipi boyiche élip bérimaqta," dédi.

Kiniye hökümitining ichidiki yuqiri derijilik emeldarlirining xiyanetchilik mesilisini bir terep qilish bésimigha duch kéliwatqan prézidént mway kébaki, jonggo bilen yéqinlishishke razi bolghan. U, " afrining jonggo bilen soda qilishigha héchqandaq tosalghu yoq," deydu.

Xu jintaw kiniyige peyshenbe küni kech sa'etlerde keldi. Uning bu yerde 3 kün dawam qilidighan ziyariti amérika, se'udi erebistan, marakesh, négiriye qatarliq ellerde élip barghan we "stratégiyilik shérik" tépish yolidiki bu sepirining axirqi békitidur. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.