Xitay re'isi xu jintaw pakistan ziyaritini axirlashturdi

Xitay dölet re'isi xu jintaw yekshenbe küni pakistan'gha qaratqan ziyaritini axirlashturup, dölitige qaytti.

Xitay agéntliqlirining uchurliridin qarighanda, xu jintaw pakistan bilen iqtisadiy, herbiy we medeniyet hemkarliqliri heqqide kélishimler tüzüp, bu jehettiki tereqqiyatni ilgiri sürüshke wede bergen.

Xu jintaw pakistan soda sahesi bilen körüshkendimu bu mesilini alahide tekitligen. U yekshenbe küni pakistanning lahor shehiridiki bir qedimi baghchida ötküzülgen muxbirlarni kütüwélish yighinida nutuq sözlep, pakistan-xitay soda hemkarliqliri munasiwitining ehmiyitini körsetken.

Jüme küni musherrep bilen xu jintaw pakistan bilen xitay arisidiki sodini kélerki besh yil ichide 15 milyard dollargha yetküzüshni muddi'a qilghan bir soda kélishimige qol qoyghan shuning bilen bir waqitta xitayning pakistanning yadro qorallirini rawajlandurush pilanigha yardem qilidighanliqi heqqidimu wede bergen idi.

Pakistan bilen xitay yene térrorchiliqqa qarshi turushtiki hemkarliq mesilisini tekitligen bolup, pakistan hökümiti ilgiri bir qanche neper Uyghurni tutup xitay hökümitige ötküzüp bergen, bular ölümge höküm qilin'ghan idi. Pakistan Uyghur siyasiy pa'aliyetlirige zerbe bérishte xitayning ishenchilik yardemchisige aylan'ghan. (Ümidwar)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar