Хитай дөләт рәиси ху җинтав русийини зиярәт қилди


2005-06-30
Share

Хитай дөләт рәиси ху җинтав пәйшәнбә күни москваға йетип берип, русийидики зияритини башлиди. Бу ху җинтавниң хитай дөләт рәисликини үстигә алғандин бери 2 - қетим русийини рәсми зиярәт қилиши болуп һесаблиниду.

Ху җинтав москва айдурумида елан қилған баянатида, җоңго русийә билән сияси ишәнчини күчәйтиш, өз ара мәнпәәт йәткүзүш асасидики һәмкарлиқни кеңәйтип, хитай - русийә мунасвитини юқири сәвийигә көтүрүшни халайду, дәп көрсәтти.

Хитай мәтбуатлириниң ашкарилишичә, русийә ху җинтавниң бу қетим зиярәт сәпириниң 1 - бекитикән. У, русийидин кейин қазақистанни зиярәт қилип, бу йәрдә шаңхәй һәмкарлиқ тәшкилатиниң башлиқлар йиғиниға қатнишиду.

Көзәткүчиләр, ху җинтавниң москвадики зиярити хитайни техиму көп русийә нефити билән тәминләшкә игә қилиш, дәп көрсәтмәктә. Ху җинтавниң "известия" гезитигә тәкитлишичә, бейҗиң билән москва нефит турубиси, тәбиий газ вә нефит қезиш мәсилисидә пикир бирлики һасил қилған. Ху җинтав шу күни русийә президенти владимир путин билән униң москва сиртидики дачисида сөһбәт өткүзди. Бихәтәрлик мәсилиси хитай - русийә башлиқлар сөһбитидики муһим темиларниң бири. Русийә билән хитай 8 - айда бирләшмә һәрбий маневир өткүзиду.

"Комирсант" гезити, моксваниң русийә, хитай вә өзбекистан һәмкарлиқи ғәрб әллириниң тәсирини үнүмлүк түрдә тосайдиған күчкә айлинишини үмид қилидикән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт