Xelq'ara kechürüm teshkilati kanadani, mehsus wekil éwetip xitay türmisidiki puqrasini qutuldurushqa chaqirdi


2007-04-27
Share

Peyshenbe küni xelq'ara kechürüm teshkilati kanada hökümitini, alahide wekil teyinlep xitay türmiside yétiwatqan kanada puqrasi hüseyin jélilni qutuldurup chiqishqa ündidi. Xelq'ara kechürüm teshkilatining kanada ishxanisining bash katipi Alex Neve, " ottawaning hüseyin jélilni qutuldurup chiqishta hemkarlishidighan alahide elchi ewetishi bek muhim" dégen.

Muxbirlarni kütiwélish yighinida Alex Nevemundaq dégen: "alahide elchi bolsa, tejribilik, ishenchilik we xitayning ichkiy qismida alaqisi bar bolghan, xitay bilen bu heqte söhbet élip bérip yol achalaydighan adem bolushi kérek".

Ötken hepte xitay hökümiti hüseyin jélilni bölgünchilik we térrorluq jinayetliri bilen eyiblep muddetsiz qamaq jazasi bergen idi.

Kanada tashqi ishlar ministiri Peter Mckay ötken hepte élan qilghan bayanatida hökümge yiqindin köngül bolidighanliqini ipadilep: "hüseyin jélil xitayda tutup turulush jeryanida xarlan'ghan, belkim qiyin-qistaqqa élin'ghan bolushimu mumkin" dep béyjingni, birleshken döletler teshkilati "ten jazasigha qarshi turush"kélishmige éghir derijide xilapliq qildi dep eyibligen.

27 ‏- April fransiye agéntliqi bergen xewerde qeyt qilinishche, hüseyin jélil 2001- yili kanada puqraliqigha ötken bolup, xitay qanunigha asasen hüseyin jélilning xitayning puqraliq salahiyiti, u kanada puqrasi bolghan minutlardin bashlapla inawettin qalidiken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet