Явропа иттипақи блурусийигә имбарго қоюшни қарар қилди


2006.03.24

Блурусийә президент сайлимида лукашинко һөкүмити сайламда сахтипәзлик қилиш вә өктичиләргә зиянкәшлик қилиш билән әйибләнгәндин кейин, явропа иттипақи җүмә күни блурусийигә имбарго қоюшни қарар қилди.

явропа иттипақи җүмә күни елан қилған баянатида, " явропа иттипақи сияси җәһәттә хәлқара сайлам өлчәмлиригә бузғунчилиқ қилған кишиләргә техиму конкрет характерлик чәкләш тәдбирлири елишни қарар қилди " дейилгән. Сайламға назарәтчилик қилған явропа бихәтәрлик вә һәмкарлиқ тәшкилати, сайламни йитәрлик болмиди, ишәнчлик әмәс, дәп җакарлиған вә блурусийә даирилиридин өктичиләрниң һоқуқиға һөрмәт қилишни тәләп қилған иди.

явропа бихәтәрлик вә һәмкарлиқ тәшкилатиниң рәиси, белгийә ташқий ишлар министири карел дей гуч, блурусийә рәһбәрлири явропа иттипақиниң пикиригә әстайидил муамилә қилиши үчүн техиму қаттиқ тәдбирләрни елиш керәк, дегән.

явропа иттипақи билән биргә америка, блурусийә даирилириниң минский мәйданидики намайишчиларни тарқитиветиш үчүн күч қолланғанлиқини әйибләп," блурусийә хәлқиниң өз пикирини тинч усуллар билән ипадиләш һоқуқи бар " дәп көрсәтти. Лекин блурусийә ташқий ишлар министирлиқиниң баянатчиси попов, " блурусийә хәлқи өзиниң таллишини оттуриға қойди " дәйду. Блурусийидики сайламда һазирқи президент лукашинко омуми авазниң 82 % тин көпрәкигә еришип сайламда ғәлибә қилғанлиқини җакарлиған иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.