Yawropa ittipaqi blurusiyige imbargo qoyushni qarar qildi


2006.03.24

Blurusiye prézidént saylimida lukashinko hökümiti saylamda saxtipezlik qilish we öktichilerge ziyankeshlik qilish bilen eyiblen'gendin kéyin, yawropa ittipaqi jüme küni blurusiyige imbargo qoyushni qarar qildi.

Yawropa ittipaqi jüme küni élan qilghan bayanatida, " yawropa ittipaqi siyasi jehette xelq'ara saylam ölchemlirige buzghunchiliq qilghan kishilerge téximu konkrét xaraktérlik cheklesh tedbirliri élishni qarar qildi " déyilgen. Saylamgha nazaretchilik qilghan yawropa bixeterlik we hemkarliq teshkilati, saylamni yiterlik bolmidi, ishenchlik emes, dep jakarlighan we blurusiye da'iriliridin öktichilerning hoquqigha hörmet qilishni telep qilghan idi.

Yawropa bixeterlik we hemkarliq teshkilatining re'isi, bélgiye tashqiy ishlar ministiri karél déy guch, blurusiye rehberliri yawropa ittipaqining pikirige estayidil mu'amile qilishi üchün téximu qattiq tedbirlerni élish kérek, dégen.

Yawropa ittipaqi bilen birge amérika, blurusiye da'irilirining minskiy meydanidiki namayishchilarni tarqitiwétish üchün küch qollan'ghanliqini eyiblep," blurusiye xelqining öz pikirini tinch usullar bilen ipadilesh hoquqi bar " dep körsetti. Lékin blurusiye tashqiy ishlar ministirliqining bayanatchisi popow, " blurusiye xelqi özining tallishini otturigha qoydi " deydu. Blurusiyidiki saylamda hazirqi prézidént lukashinko omumi awazning 82 % tin köprekige ériship saylamda ghelibe qilghanliqini jakarlighan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.