38 - Parallilda yüz bergen étishish weqesidin kéyin ikki koriye munasiwiti jiddiyliship ketti


2006.08.01
Share on WhatsApp
Share on WhatsApp

Jenubiy we shimaliy koriyilerni ayrip turidighan 38 - parallilda düshenbe küni kéchisi yüz bergen étishish weqesidin kéyin, ikki koriye munasiwiti jiddiyliship ketti. Shimaliy koriye sé'ol bilen birliship ötküzmekchi bolghan koriye yérim arilining azatliqini tebriklesh pa'aliyitini bikar qilghan.

Jenubiy koriye herbiy da'irilirining eskertishiche, 38 - parallilda yüz bergen étishish weqeside her ikkila tereptin adem ölmigen. Jenubiy koriye terep shimalning qarawuli jenubiy koriye qarawulxanisigha 2, 3 pay oq atqandin kéyin, jenubiy koriye eskerlirining shimal terepke 6 pay oq atqanliqini bildürdi. Bu 2006 - yili kirgendin béri ikki terep arisida yüz bergen tunji toqunush bolup hisablinidu.

Ikki terepning 38 - parallilgha bir milyon kishilik eskiri qisimi yighilghan bolup, pyongyang bilen sé'ol 1953 - yili koriye urush toxtitish kélishimi imzalighandin béri urush halitini saqlap kelmekte. Bu weqe shimal bilen jenubning munasiwitini jiddiyleshtürüwetti. Shimaliy koriye 8 - ayning 15 - küni jenubiy koriye bilen birliship ötküzmekchi bolghan koriye yérim arilining azatliq künini tebrikleshni bikar qilghan. Bu pa'aliyet 1945 - yili 2 - dunya urushi axirlashqandin kéyin yaponiyining koriye yérim arilidiki hökümranliqi axirlashqanliqini xatirileshni meqsed qilghan.

Shimaliy koriye bu yil 5 - iyulda bashqurulidighan bomba siniqi élip barghandin kéyin, jenubiy koriye shimalgha béridighan yimek - ichmek yardimini toxtitip qoydi. Pyongyang bolsa shimalgha tuqqan yoqlimaqchi bolup barghan bir jenubiy koriyilikni chégridin qoghlap chiqarghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.