Явропа иттипақи хитайға имбаргони бикар қилиш "сигнали" бериши мумкин


2004.12.07
Share on WhatsApp
Share on WhatsApp

Қорал - ярақ имбаргоси, хитай баш министири вен җябавниң явропа иттипақи рәһбәрлири билән чаршәнбә күни елип баридиған сөһбитиниң муһим күнтәртипини игиләйду.

Ройтерс ахбарат агентлиқиниң хәвәр қилишичә, чаршәнбә күни гаагада өткүзүлидиған йиғинда явропа иттипақи хитайға қаритилған қорал - ярақ имбаргосиниң бикар қилинидиғанлиқи һәққидә иҗабий сигнал бериши мумкин. Бирақ, имбаргониң дәрһал бикар қилиниши натайин икән. Икки тәрәп гаагадики йиғинда қирғинчилиқ характерлик қоралларни контрол қилиш, ядро техникисини тинчлиқ мәқсәтлири үчүн ишлитиш қатарлиқ мәзмунларни өз ичигә алған бәзи келишимләргә имза қойиду.

Қорал - ярақ имбаргосиниң дәрһал бикар қилинишни тәләп қилған вен җябав, вақит узарғансири имбаргониң икки тәрәп мунасивитигә зиян салидиғанлиқини тәкитлигән.

Хитай ташқи ишлар министирлики баянатчиси җаң чийө, сәйшәнбә күни имбаргони бикар қилишқа йәнә бир қетим чақирди. Бирақ қорал - ярақ имбаргосини бикар қилиш, явропадики кишилик һоқуқ органлириниң қарши турушиға учриған. Хәлқара кәчүрүм тәшкилати дүшәнбә доклат елан қилип, явропа иттипақиниң гаагадики йиғинда кишилик һоқуқ мәсилисини оттуриға қоюшни тәләп қилған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.