Xitay, yawrupa birlikining xitaygha qaratqan qoral imbargosini bikar qilishini teshebbus qilmaqta


2004.12.02
Share on WhatsApp
Share on WhatsApp

Xitay da'iriliri yéqinda yawrupa rehberliri bilen bir qatar uchirishishlarni élip bérishni pilanlimaqta.

Fransiye agéntliqining xewiridin qarighanda, gérmaniyining bash ministiri gérxard shroydér 5 - dékabir küni béyjingni ziyaret qilmaqchi bolup, arqidinla xitayning bash ministiri wén jyabaw 8 - dékabir küni gollandiyide ötküzülmekchi bolghan yawrupa birlikining xitay bilen bolghan yilliq söhbitige qatnashmaqchi iken.

Xewerde tekitlinishiche, xitay terep gollandiyide ötküzülmekchi bolghan söhbette, yawrupa birlikidin buningdin 15 yil ilgiri xitaygha bérilgen qoral imbargosini bikar qilishni telep qilidiken. Buning bir waqitta yawrupa birlikimu xitaygha kishilik hoquqni yaxshilash mesilisini otturigha qoyushni pilanlimaqta.

Bu arida xitay tashqi ishlar ministirliqining bayanatchisi jang chiyö muxbirlarni kütiwilish yighinida, wén jyabawning yawrupa birlikining rehberliri bilen, yawrupaning xitaygha qaratqan qoral imbargosini baldurraq bikar qilish mesilisi heqqide muzakirilishidighanliqini bildürgen.

Jang chiyö bu heqte yene: "xitay kishilik hoquq mesilisi bilen qoral imbargo mesilisini bir - birige chétiwilishqa qet'i qarshi turidu" dédi.

Yawrupa birliki bundin 15 yil ilgiri béyjingda yüz bergen démokratik namayish pa'aliyitining qanliq basturulishi seweblik, xitaygha qarita qoral imbargosi yüzgüzgen idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.