خىتاي ياۋروپا ئىتتىپاقىدىن قورال - ياراق ئىمباروگىسىنى بىكار قىلىشنى تەلەپ قىلدى


2004.12.03
Share on WhatsApp
Share on WhatsApp

خىتاي ھۆكۈمىتى جۈمە كۈنى بايانات ئېلان قىلىپ، ياۋروپا ئىتتىپاقىدىن خىتايغا قارىتىلغان 15 يىللىق قورال - ياراق ئىمبارگوسىنى بىكار قىلىشنى تەلەپ قىلدى. شۇنداقلا قورال - ياراق ئىمبارگوسىنىڭ خىتاي - ياۋروپا ئىتتىپاقى مۇناسىۋىتىگە تەسىر يەتكۈزىدىغانلىقىنى ئاگاھلاندۇردى.

خىتاي تاشقى ئىشلار مىنىستىرلىقىنىڭ مۇئاۋىن مىنىستىرى جاڭ يىسۈي، خىتاي باش مىنىستىرى ۋېن جياباۋنىڭ ئالدىمىزدىكى ھەپتە ياۋروپاغا قىلىدىغان زىيارىتى ھەققىدە توختىلىپ، قورال - ياراق ئىمبارگوسىنى بىكار قىلىش، تەيۋەن بىلەن ھەربىي ھازىرلىقلار مۇسابىقىسىنى كەلتۈرۈپ چىقارمايدۇ، دەپ تەكىتلىگەن. جاڭ يىسۇي، "ئەگەر ئىمبارگو بىكار قىلىنمىسا، ئىككى تەرەپ مۇناسىۋىتىگە سەلبىي تەسىر كۆرسىتىشى مۇمكىن" دەپ كۆرسەتكەن. خىتاي باش مىنىستىرى ۋېن جياباۋ، 8 - دېكابىر گوللاندىيەدە ياۋروپا ئىتتىپاقى ۋە خىتاي باشلىقلار يىغىنىغا قاتنىشىدۇ.

يىغىندا، ۋېن جياباۋ، ياۋروپا ئىتتىپاقىدىن خىتايغا قارىتىلغان قورال - ياراق ئىمباروگوسىنى بىكار قىلىشنى تەلەپ قىلىشى مۇمكىن. ياۋروپا ئىتتىپاقىنىڭ بېيجىڭ ھۆكۈمىتىدىن خىتايدىكى كىشىلىك ھوقۇق ۋەزىيىتىنى ياخشىلاشنى تەلەپ قىلىدىغانلىقى پەرەز قىلىنماقتا. ياۋروپا ئىتتىپاقى، خىتاي ھۆكۈمىتىنىڭ 1989 - يىلدىكى تيەن ئەنمىن ئوقۇغۇچىلار ھەرىكىتىنى قانلىق باستۇرۇش قىلمىشىدىن كېيىن، خىتايغا قارال-ياراق ئىمبارگوسى قويغان.

بۇ يىل 10 - ئايدا ياۋروپا ئىتتىپاقى تاشقىي ئىشلار مىنىستىرلار، فرانسىيىنىڭ خىتايغا قارىتىلغان ئىمبارگونى بىكار قىلىش ھەققىدىكى تەلىپىنى رەت قىلىپ، خىتاينىڭ كىشىلىك ھوقۇق خاتىرىسىدە كۆزگە كۆرۈنەرلىك ئىلگىرىلەش بولمىغانلىقىنى تەكىتلىگەن. (ئەركىن)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.