Xitay yawropa ittipaqidin qoral - yaraq imbarogisini bikar qilishni telep qildi


2004.12.03
Share on WhatsApp
Share on WhatsApp

Xitay hökümiti jüme küni bayanat élan qilip, yawropa ittipaqidin xitaygha qaritilghan 15 yilliq qoral - yaraq imbargosini bikar qilishni telep qildi. Shundaqla qoral - yaraq imbargosining xitay - yawropa ittipaqi munasiwitige tesir yetküzidighanliqini agahlandurdi.

Xitay tashqi ishlar ministirliqining mu'awin ministiri jang yisüy, xitay bash ministiri wén jyabawning aldimizdiki hepte yawropagha qilidighan ziyariti heqqide toxtilip, qoral - yaraq imbargosini bikar qilish, teywen bilen herbiy hazirliqlar musabiqisini keltürüp chiqarmaydu, dep tekitligen. Jang yisuy, "eger imbargo bikar qilinmisa, ikki terep munasiwitige selbiy tesir körsitishi mumkin" dep körsetken. Xitay bash ministiri wén jyabaw, 8 - dékabir gollandiyede yawropa ittipaqi we xitay bashliqlar yighinigha qatnishidu.

Yighinda, wén jyabaw, yawropa ittipaqidin xitaygha qaritilghan qoral - yaraq imbarogosini bikar qilishni telep qilishi mumkin. Yawropa ittipaqining béyjing hökümitidin xitaydiki kishilik hoquq weziyitini yaxshilashni telep qilidighanliqi perez qilinmaqta. Yawropa ittipaqi, xitay hökümitining 1989 - yildiki tyen enmin oqughuchilar herikitini qanliq basturush qilmishidin kéyin, xitaygha qaral-yaraq imbargosi qoyghan.

Bu yil 10 - ayda yawropa ittipaqi tashqiy ishlar ministirlar, fransiyining xitaygha qaritilghan imbargoni bikar qilish heqqidiki telipini ret qilip, xitayning kishilik hoquq xatiriside közge körünerlik ilgirilesh bolmighanliqini tekitligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet