كىشىلىك ھوقۇق تەشكىلاتى ياۋرۇپا بىرلىكىنى خىتايغا قاراتقان قورال چەكلىمىسىنى بىكار قىلماسلىققا چاقىردى


2004-12-05
Share

ياۋرۇپا بىرلىكى بىلەن خىتاي رەھبەرلىرىنىڭ كىلەر چارشەنبە ئۆتكۈزۈلىدىغان يىغىنىنىڭ ھارپىسىدا، باش شتابى پارىژدىكى چېگراسىز مۇخبىرلار تەشكىلاتى ۋە پۈتۈن دۇنيادىكى 20 دىن ئارتۇق كىشىلىك ھوقۇقنى قوغدايدىغان تەشكىلاتلار بىرلىكتە ياۋرۇپا بىرلىكىگە ئوچۇق خەت يېزىپ، خىتايغا قاراتقان قورال ئىمبارگوسىنى بىكار قىلماسلىقنى تەلەپ قىلدى.

ئۇلار مەزكۇر ئوچۇق خېتىدە، خىتايدىكى كىشىلىك ھوقۇق دەپسەندىچىلىكلىرىنىڭ يەنىلا ئېغىر ئىكەنلىكىنى بىلدۈردى ۋە ياۋرۇپا بىرلىكىنىڭ، خىتاينىڭ كىشىلىك ھوقۇق خاتىرىسى ياخشىلانغانغا قەدەر، خىتايغا قاراتقان قورال سېتىپ بەرمەسلىك چەكلىمىسىنى ساقلاپ قىلىشى كېرەكلىكىنى كۆرسەتتى.

ئۇلار يەنە خىتاي ھۆكۈمىتىنى، بارلىق سىياسىي مەھبۇسلارنى قويۇپ بېرىشكە ۋە خىتاي ئارمىيىسىنىڭ مىلتىق ئۇچىنى ھەرگىزمۇ ئۇيغۇر، تىبەت، موڭغۇل قاتارلىق ئاز سانلىق مىللەتلەرگە، شۇنداقلا تەيۋەن خەلقىگە قاراتماسلىققا كاپالەت قىلىشقا چاقىردى.

ياۋرۇپا بىرلىكىگە ئەزا دۆلەتلەرلەرنىڭ رەھبەرلىرى ۋە خىتاي باش مىنىستىرى ۋىن جياباۋ كىلەر چارشەنبە كۈنى گوللاندىيىدە سۆھبەتتە بولىدۇ. خىتاي دائىرىلىرى يىغىندا ياۋرۇپا بىرلىكىدىن قورال چەكلىمىسىنى بىكار قىلىشنى قايتا تەلەپ قىلىشى مۇمكىن.

ياۋرۇپا بىرلىكى، خىتاي ھۆكۈمىتىنىڭ 1989 - يىلىدىكى تيەنەنمېن دېموكراتىك ھەرىكىتىنى قانلىق باستۇرۇش قىلمىشىدىن كىيىن، خىتايغا قورال چەكلىمىسىنى يۈرگۈزگەن ئىدى. ياۋرۇپا بىرلىكى17 - نويابىر كۈنى قارار ماقۇللاپ مەزكۇر چەكلىمىنى ساقلاپ قالغان، ھەمدە خىتاي ھۆكۈمىتىدىن كىشىلىك ھوقۇقنى ياخشىلاش ھەققىدە كونكېرت تەدبىر ئېلىشنى تەلەپ قىلغان ئىدى. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت