Kishilik hoquq teshkilati yawrupa birlikini xitaygha qaratqan qoral cheklimisini bikar qilmasliqqa chaqirdi


2004.12.05
Share on WhatsApp
Share on WhatsApp

Yawrupa birliki bilen xitay rehberlirining kiler charshenbe ötküzülidighan yighinining harpisida, bash shtabi parizhdiki chégrasiz muxbirlar teshkilati we pütün dunyadiki 20 din artuq kishilik hoquqni qoghdaydighan teshkilatlar birlikte yawrupa birlikige ochuq xet yézip, xitaygha qaratqan qoral imbargosini bikar qilmasliqni telep qildi.

Ular mezkur ochuq xétide, xitaydiki kishilik hoquq depsendichiliklirining yenila éghir ikenlikini bildürdi we yawrupa birlikining, xitayning kishilik hoquq xatirisi yaxshilan'ghan'gha qeder, xitaygha qaratqan qoral sétip bermeslik cheklimisini saqlap qilishi kéreklikini körsetti.

Ular yene xitay hökümitini, barliq siyasiy mehbuslarni qoyup bérishke we xitay armiyisining miltiq uchini hergizmu Uyghur, tibet, mongghul qatarliq az sanliq milletlerge, shundaqla teywen xelqige qaratmasliqqa kapalet qilishqa chaqirdi.

Yawrupa birlikige eza döletlerlerning rehberliri we xitay bash ministiri win jyabaw kiler charshenbe küni gollandiyide söhbette bolidu. Xitay da'iriliri yighinda yawrupa birlikidin qoral cheklimisini bikar qilishni qayta telep qilishi mumkin.

Yawrupa birliki, xitay hökümitining 1989 - yilidiki tyenenmén démokratik herikitini qanliq basturush qilmishidin kiyin, xitaygha qoral cheklimisini yürgüzgen idi. Yawrupa birliki17 - noyabir küni qarar maqullap mezkur cheklimini saqlap qalghan, hemde xitay hökümitidin kishilik hoquqni yaxshilash heqqide konkért tedbir élishni telep qilghan idi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet