Xitaygha qaratqan qoral cheklimisini bikar qilishta ixtilap peyda boldi

En'gliye tashqi ishlar ministiri jek schow charshenbe küni yawropa birlikining xitaygha qaratqan qoral sétip bermeslik jazasini bikar qilish mesiliside amérika bilen ixtilap peyda bolghanliqini étirap qildi.

Jek schow "pul mu'amile waqti" gézitining ziyaritini qobul qilghanda, en'gliye, fransiye we gérmaniye qatarliq yawropa birlikige eza bezi döletlerning xitaygha bérilgen 15 yilliq qoral sétip bermeslik jazasini bikar qilishni xalaydighanliqini emma amérika hökümitining bolsa buninggha qet'iy qarshi turiwatqanliqini bildürgen.

Jek schow sözide yene, "tashqi ishlar siyasitidin qarighanda, riqabet ixtilapni yoqutushta yaki siyaset da'irisini ayrishta emes belki shu ixtilaplarni bir terep qilishta" dep körsetti.

Xitay hökümiti 1989 - yili tyen'enmén oqughuchilar herikitini qanliq basturghandin kéyin, yawropa birliki xitaygha 15 yilghiche qoral sétip bermeslik jazasini bergen idi. Amérika hökümiti yawropa birlikining bu jazani bikar qilishigha küchlük qarshi chiqip, eger bu bikar qilinsa xitay ilghar téxnikiliq qorallarni köp miqdarda sétiwélip teywenning bixeterlikige éghir tehdid hasil qilishi mumkinlikini eskertti. (Peride )