Amérika hélimu yawrupa ittipaqining xitaygha qaratqan qoral imbargosini bikar qilishidin endishe qilidu didi

Seyshenbe küni amérika tashqi ishlar ministiri kondoliza rays, amérika hökümitining yawrupa ittipaqining xitaygha qaratqan qoral imbargosini bikar qilishidin endishe qiliwatqanliqini qaytidin tekitlidi. Lékin u eger yawrupa ittipaqi xitaygha qaratqan qoral imbargosini bikar qilsa, amérikining yawrupa ittipaqigha qarshi qandaq chare-tedbir qollinidighanliqi heqqide birnéme déyishtin özini qachurdi.

Fransiye axbarat agéntliqining xewer qilishiche, amérika tashqi ishlar ministiri kondaliza rays, seyshenbe küni washin'gtonda muxbirlargha bergen bayanatida, amérika hökümitining yawrupa ittipaqining xitaygha qaratqan qoral imbargosi toghrisida yawrupa döletliri bilen yaxshi söhbet élip bériwatqanliqini, lékin washin'gtonning qoral imbargosining bikar qilinishigha qarshi ikenlikini bildürüp mundaq didi:

Xitaygha kishilik hoquq mesiliside xata signal bérip qoymasliqimiz kérek. Elwette buningdin sirt yene, bizning istratégiyilik herbiy mesililerdimu edishilirimiz bar.

Xewerlerge qarighanda, yawrupa ittipaqining tyen'enmin oqughuchilar herikitining basturulushidin kéyin xitaygha qarita yolgha qoyghan qoral imbargosini bikar qilish mesilisi amérika tashqi ishlar ministiri kondaliza raysning peyshenbe küni bashlaydighan yawrupa ziyariti jeryanidimu muzakire témisi bolushi mumkin iken.

Rayis bu qétimqi yawrupa sepiri jeryanida sekkiz yawrupa dölitini ziyaret qilidu. (Qanat)