Amérika awam palata ezasi hénri hayd yawropa birlikini xitaygha qoral satmasliqqa chaqirdi


2005-02-23
Share

Amérika awam palatasi xelq'ara munasiwetler komitétining re'isi hénéri hayd (Henry J. Hyde) Charshenbe küni amérika "wolstirit zhornili" da "xitaygha qoral satmanglar" dégen témida bir parche maqale élan qildi.

Hénri hayd maqalisida, yawropa birlikining xitaygha qaratqan qoral cheklimisini bikar qilishini oylishishining tolimu xeterlik ikenlikini we buning amérikining shundaqla yaponiye we teywenning bu yerdiki bixeterlik menpe'etige tehdit bolidighanliqini agahlandurghan.

U yene, tiyen'enmén oqughuchilar weqesidin kéyin chiqirilghan bu qoral cheklmisi nawada bikar qilinsa, buning 15 yildin buyan hazirghiche xitay türmiside yétiwatqan démokratiye pa'aliyetchiliri üchün xata signal bolidighanliqini tekitlep, " yawropa birlikining yéngi qarari, xitay hökümitining kelgüside démokratik pa'aliyetlerni téximu basturushigha yol hazirlap béridu" dégen.

U maqalisida yene, yawropa birlikining bu jazani bikar qilishta qoyghan shertlirining put tirep turalmaydighanliqini bildürüsh bilen teng, amérika chiqarghan xitaygha qoral sétip bermeslik qararining dawamliq küchke ige ikenlikini tekitligen.

Awam palata ezasi hénri hayd maqalisining axirida, "yawropa birlikining aldidiki ikki tallash yoli nahayiti éniq. Biri, xitayda démokratiyining tereqqiy qilishini ilgiri sürüsh. Yene biri, xitayning herbiy tereqqiyatini kücheytishige yardem qilish" dep yézip, yawropa birlikini toghra yolni tallashqa chaqirghan. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet