Yawrupa birliki xitaygha qoral sétip bérishte qattiq cheklime qoymaqchi


2005.03.13
Share on WhatsApp
Share on WhatsApp

Yawrupa birliki xitaygha yürgüziwatqan qoral sétip bermeslik siyasitini, xitaygha qoral sétip bérishta qattiq cheklime qoyush siyasitige özgertishni pilanlimaqta.

Yawrupa birlikining tashqi ishlargha mes'ul emeldari wardnaning bildürüshiche, yawrupa birliki xitaygha sétip bérishke bolidighan qorallarning tipi heqqide bir yürüsh qattiq cheklime qoyush nizamini békitip, xitaygha qoral sétip bermeslik siyasitining ornigha dessitishni oylashmaqta iken.

Yawrupa birliki xitay hökümiti 1989 - yilidiki tyenmin weqesini qanliq basturghandin kiyin, xitaygha qoral sétip bermeslikni qarar qilghan idi. Wardnaning éytishiche, gerche xitayda kishilik hoquq mesilisi yenila mewjut bolsimu, emma xitaydiki weziyet 1989 - yilidikidin köp özgergen. U yene, yawrupa birlikining dawamliq türde xitayni kishilik hoquq xatirisini yaxshilap, puqralarning siyasiy hoquqini étirap qilishqa chaqiridighanliqini körsetken.

Amérika hökümiti buning aldida, yawrupa birlikining xitaygha qaratqan qoral sétip bermeslik cheklimisini bikar qilishining xitayning herbiy zamaniwilishishini tézlitidighanliqini hemde kishige yawrupa birliki béyjingning kishilik hoquqni depsende qilishini qollighandek tuyghu béridighanliqini bildürgen idi. Biraq, yawrupa birliki xitaygha yürgüzüwatqan qoral sétip bermeslik cheklimisini bu yil 6 - aylarda bikar qilishi mumkinlikidin bisharet bermekte. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet