Rayis, yawropa ittipaqining xitaygha qoyulghan imbargoni bikar qilish intilishini tenqid qildi

Amérika tashqi ishlar ministiri kondiliza rayis, yawropa ittipaqining xitaygha qoyghan imbargoni bikar qilish béyjing da'irilirige xata signal bérishi mumkin, dep körsetti.

Rayis, xitay kishilik hoquq xatirisidiki bezi ilgirleshler sewebidin , b d t yighinida xitayni tenqid qilishning hajiti qalmighanliqini ilgiri sürgen. Rayis, bu sözlerni pakistandin yaponiyige qarap kétiwatqanda qildi. U, amérika, jenubiy koriye we yaponiyilerning qoral - yaraq imbargosini bikar qilishqa qarshi turidighanliqini eskertip, chünki bu xitayning rayondiki herbiy küchini kücheytiwétishi mumkin, dep tekitlidi. Rayisning bildürüshiche, " imbargoni bikar qilish bolupmu rayondiki muqimliqqa kapaletlik qiliwatqan amérika üchün, herbiy küchini kéngeytiwatqan xitaygha xata signal bérish bolup hésablinidiken."

Xitay hökümiti ötken düshenbe küni bu yilqi herbiy xam chotini 12.6 ٪ Köpeytken idi. Rayis, jüme küni kechte asiya döletliridiki ziyaritining 3 - békiti yaponiyige yétip bardi. U, yaponiyidin kéyin xitay bilen jenubiy koriyini ziyaret qilidu. Rayis, béyjing bilen teybéyni teywenning hazirqi halitini bir tereplimilik halda özgermeslikke chaqirip, bu yoldiki her qandaq intilish qarshi élinmaydu, dep körsetti.

Amérika tashqi ishlar ministiri, xitaydiki az sanliq milletlerning diniy étiqat terbiyisi shundaqla rabiye qadirning qoyup bérilgenliki heqqide toxtaldi. U mundaq deydu: " biz bezi chaghlarda kishilik hoquq xatirisini tenqid qilish qarari almay turupmu, bezi ilgirleshlerge érishkili bolidu, dep ishimiz." Biraq u, xitay bilen amérikining kishilik hoquq we dini étiqat jehettiki ixtilapi yenila barliqini bildürdi.(Erkin)