Yawrupa ittipaqi xitaygha qaratqan qoral cheklimisini bikar qilish waqtini kéchiktürishi mumkin iken


2005.03.21
Share on WhatsApp
Share on WhatsApp

Yawrupa ittipaqidiki diplomatlarning bildürüshiche, yawropa ittipaqi gerche xitaygha qaratqan qoral cheklimisini bikar qilishqa qarap heriket qiliwatqan bolsimu, biraq bikar qilish waqtini kéchiktürishi mumkin iken.

Fransiye axbarat agéntliqining diplomatlarning sözini neqil keltürüshiche, amérika tashqi ishlar ministiri kondiliza rayis , xitaygha qaratqan qoral cheklimisini bikar qilishning béyjinggha xata signal bergenlik ikenlikini eskertip, yawrupa ittipaqini agahlandurghan. Xitay da'iriliri yéqinda yene "xitayni parchilashqa qarshi qanun" ni chiqarghan. Bu xil amillar, yawrupa ittipaqining bu yil 6 - ayda xitaygha yürgüziwatqan qoral cheklimisini bikar qilish pilanini kéchiktürishi mumkin iken.

Buning aldida en'giliye tashqi ishlar ministiri jek sicho en'giliydiki bir téléwiziye istansisining ziyaritini qubul qilip, xitayning teywen'ge qaratqan bu yéngi qanunining yawrupa ittipaqining xitaygha qaratqan qoral cheklimisini bikar qilishigha intayin müshkül bir siyasiy weziyet yaratqanliqini bildürgen idi.

U sözide, "xitaygha yürgüzüwatqan qoral cheklimisini bikar qilish mesiliside nurghun siyasiy mesililer mewjut. Bu mesililerni hel qilish barghansiri qiyinlishiwatidu. Chünki xitayning kishilik hoquq weziyitide yiterlik yaxshilinish bolmidi" dep körsetken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.