Yawropa ittipaqi xitaygha yürgüzgen imbargoni bikar qilishqa aldirimaydu

Yawropa ittipaqi rehberlirining jüme küni bildürüshiche, yawropa ittipaqi 1989 - yili xitaygha yürgüzgen qoral-yaraq imbargosini bikar qilishqa aldirmaydiken shundaqla imbargoni bikar qilishni xitay kishilik hoquq xatirisining ehwaligha köre békitidiken.

Yawropa ittipaqidiki döletler, kyotodiki asiya - yawropa yuqiri derijilikler yighinida, xitay tashqi ishlar ministiri li jawshinggha imbargoning 30 - iyun'gha qeder bikar qilinishi namelum, dep uqturghan. Yawropa ittipaqining bu nöwetlik re'isi döliti lyuksimburg tashqi ishlar ministiri jéyn asilborin, " imbarogoni bikar qilish qarari kishilik hoquq mesilisini öz ichige alidu," dédi. Imbargoni bikar qilishni kishilik hoquq ehwaligha köre békitish xitay da'irilirining naraziliqigha uchrighan. Xitay tashqi ishlar ministirliqining bayanatchisi chin gang, " biz imbargo mesilisi bilen kishilik hoquqni baghlash kérek dégen'ge heyran qéliwatimiz," dégen.

Fransiye imbargoni bikar qilish pikirining bash qollighuchisi. Emma yaponiye bilen amérika imbargoni bikar qilish, teywen boghuzi we rayondiki herbiy küchler tengpungluqini buzidu, dep körsetmekte.

Yaponiye tashqi ishlar ministiri machimuru, jüme küni kyutoda lyuksimburg tashqi ishlar ministiri asilborin bilen uchriship, yaponiyining imbargo mesilisidiki endishisini tekitligen. Asilborin, " biz rayondiki dostlirimizgha ziyan sélishni xalimaymiz shundaqla héchbir rayonni dunyaning sirtida qaldurushni kütmeymiz," dep körsetti.(Erkin)