Xitay, yawropa ittipaqining qoral-yaraq imbargosini kishilik hoquq bilen baghlishigha qarshi turdi

Xitay hökümiti, seyshenbe küni yawropa ittipaqini xitaygha qarshi yürgüzgen qoral-yaraq imbargosini bikar qilishqa chaqirip, imbargoni kishilik hoquq xatirisi bilen baghlashqa qarshi turdi.

Birleshme axbarat agéntliqining ashkarilishiche, qoral-yaraq imbargosi bilen xitay toqulma buyumlar éksporti qatarliq mesililer, yawropa ittipaqining re'isi, gollandiye tashqi ishlar ministiri jéyn assilborinning charshenbe küni xitayda élip baridighan ziyaret küntertipining asasi témisini igileydiken. Assilborin, ötken hepte yaponiyini ziyaret qilghanda imbargo mesilisini kishilik hoquqqa baghlaydighanliqini jakarlighan idi. Xitay tashqi ishlar ministirliqining bayanatchisi li jyenchaw, " biz qoral-yaraq imbargosini kishilik hoquq bilen baghlashqa qarshi turimiz," dep körsetti.

Li jyenchaw, kishilik hoquqni imbargo bilen baghlashning logikigha sighmaydighanliqini tekitligen. Emma xitay hökümiti 1989 - yili tyen enmindiki oqughuchilar herikitini shundaqla 1990 - yildiki barén namayishini tanka we tik uchar ayrupilanlar bilen basturghan idi.

Yawropa ittipaqining re'isi jéyn assilysilborinning xitaydiki ziyariti ikki kün dawamlishidu. Yawropa ittipaqining tashqiy ishlar komisari solana, ittipaqning kéler nöwetlik re'isi en'giliye tashqiy ishlar ministirining wekili asilborin'gha hemra bolidiken. Yawropa ittipaqining re'isi, xitay bashministirti wén jyabaw, döletkomisari tang jyashü'en we tashqiy ishlar ministiri li jawshinglar bilen söhbet élip baridu. (Erkin)