Amérika dölet mejlisi ezaliri özbékistan'gha iqtisadiy jaza bérishni telep qildi

Ikki neper amérika dölet mejlisi ezasi özbékistan hökümitining kishilik hoquqni depsende qilish ehwalining éghirlishiwatqanliqi sewebidin, özbékistan'gha iqtisadiy jaza bérish teklipini otturigha qoydi.

Bu teklipni, arizona shitatining kéngesh palata ezasi jon makéyn we nyu-jérséy shitatining awam palata ezasi kris smis otturigha qoyghan bolup, ular teklipide asasliqi özbékistanning hökümet emeldarliri we ularning a'ile-tawabatlirining amérikidiki mal-mülkini tonglitishni telep qilghan. Shundaqla yene amérika hökümitini özbékistan'gha héchqandaq étibar bérish siyasitini bermeslikke ündigen.

Bu ikki dölet mejlisi ezasi yene , bu jazani bikar qilish shertlirinimu körsitip, peqet özbékistan prézidénti islam kerimof abroyluq bir xelq'araliq teshkilatning mexsus özbékistan'gha bérip, endijan weqesi üstidin tekshürüsh élip bérishigha yol qoyghanda hemde bu teshkilat tekshürüshni tamamlighandin kéyin, andin bu jazani bikar qilishqa bolidighanliqini bildürdi.

Awam palata ezasi kris smis " özbékistan hökümitining kishilik hoquq we éghir ten jazasi bérish jehettiki xatirisi kishini chöchitidu" dep körsetti. Shundaqla ular yene endijan weqesidin kéyin, bu weziyetning téximu éghirlashqanliqini bildürdi. (Peride)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar