Yawrupa ittipaqi xitaygha qaratqan qoral imbargosini dawamlashturushni qarar qildi


2007.01.18

Yawrupa ittipaqining tashqi munasiwetler buyiche mexsus wekili (Benita Waldner) bénita waldnérning bildürüshiche, yawrupa ittipaqining xitaygha qaritilghan qoral imbargosini bikar qilmay, xitayning kishilik hoquq xatirisi yaxshilan'ghan'gha qeder dawamlashturidighanliqini bildürdi.

Yawrupa ittipaqining wekili bénita mezkür qararni peyshenbe küni béyjingda bildürgen bolup, u bu qétim yawrupa ittipaqi bilen xitay otturisidiki munasiwetni tereqqi qildurush meqsitide béyjingda ziyarette bolghan idi.

Bénita waldnér yene xitaygha qaratqan qoral imbargosini bikar qilishning bir qanche türlük shertliri üstide tekitlep kilip": béyjing da'iriliri aldi bilen choqum birleshken döletler teshkilatining puqralar hoquqi bilen siyasiy hoquq heqqidiki xelq'ara ehdinamisige boysunup, 1989 ‏- yili tyen'enmin meydanida qarshiliq körsitip qolgha élin'ghan mehbuslarni qoyiwitishi shuning bilen birge emgek bilen özgertishke oxshash türme séstimisini bikar qilishi kéreklikini otturigha qoydi.

1989 ‏- Yili béyjing , tyen'enmin meydanida démokratiye berpa qilish üchün élip bérilghan namayish pa'aliyitini qoralliq basturghandin kéyin, yawrupa ittipaqi xitaygha qarita qoral imbargosi yolgha qoyghan idi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.