Gérmaniye xitaygha qaritilghan imbarguni bikar qilishqa qarshi chiqti

Gérmaniyide hakimiyet üstidiki sotsyal dimokratlar partiyisi bilen yéshillar partiyisi bilet tashlap, yawropa ittipaqining xitaygha qaritilghan qoral - yaraq imbargusini bikar qilishigha qarshi chiqti.

Gérmaniye yéshillar partiyisi bilen bash ministir shrüdérning sotsiyal dimukratlar partiyisining gérmaniye parlaméntigha sun'ghan teklip layihiside, yawropa ittipaqi qoral - yaraq éksport tüzümige da'ir yéngi belgilime tüzüp chiqishtin burun, xitaygha qaritilghan qoral - yaraq imbargusi dawamliq küchke ige bolushi kérek dep qarighan. Teklip layihiside yene xitaygha qaritilghan qoral - yaraq imbargusini bikar qilish, béyjing hökümitining b d t siyasi we puqralar hoquqi xelq'ara ehdinamisini öz ichige xelq'ara ehdinamilarni imzalash yaki testiqlishige baghliq bolushi kérek dep körsetken.

Gérmaniye yéshillar partiyisining parlaménttiki partiye guruppisining tashqi ishlar bayanatchisi, "xitay chong quruqliqi bilen teywen arisidiki munasiwetning jiddiliki, shundaqla xitayda kishilik hoquq sahesidiki özgertishke tégishlik boshliq nahayiti köp bolghanliqi üchün, hazir xitaygha qoral - yaraq sétishni muzakire qilidighan waqit emes" dep tekitligen. Yéqinda xitayni ziyaret qilghan fransiye prézidénti jak shirak, yawropa ittipaqining xitaygha qaratqan qoral - yaraq imbargusini bikar qilish waqti kelgenlikini ilgiri sürgen. (Erkin)