Amérika kéngesh palatasining bir komitéti xitay pulining qimmitige qarshi qanun layihisi maqullidi


2007-07-27
Share

Amérika kéngesh palatasining pul - mu'amile komitéti mutleq köp qisim ezalarning qollap awaz bérishi bilen, xitay qatarliq pul qimmitini kontrol qilidighan döletlerning pul - mu'amile siyasitige qarshi ilgirligen halda tedbir élishni mezmun qilghan bir qanun layihisi maqullidi. Kéngesh palata ezasi maks bawkun, charliz shumir, lindséy graham, chak grasléylar teripidin otturigha qoyulghan qanun layihisi peyshenbe küni kéngesh palatasining pul - mu'amile komitétida awazgha qoyulup, birge qarshi 20 awaz bilen maqullandi.

Qanun layihiside héchbir döletning ismi tilgha élinmighan bolsimu, lékin közetküchiler qanun layihisi xitayning xelq puli qimmitini kontrol qilish siyasiti bilen biwaste munasiwetlik, dep qarimaqta. Kéngesh palata ezasi grasléy, qanun layihisining " pul - mu'amile aborot baziri qa'idilirige boysunmaydighan amérika soda shériklirige" qaritilghanliqini bildürdi.

Mezkur qanun layihisi amérika maliye ministiri pa'ulsén 29 - iyuldin 1 - awghustghiche béyjingni ziyaret qilip, xitay rehberliri bilen xelq pulining qimmiti we iqtisadi mesililerde söhbet élip barmaqchi boluwatqan mezgilde chiqirildi. Lékin kéngesh palata ezaliri charliz shumir we lindséy grahamlar teshebbus qilghan eger xitaylar pulining qimmiti östürmise, xitay import towarlirigha % 27 tamozhna béji chaplash toghrisidiki mezmunlar mezkur qanun layihiside orun almighan.

Amérika karxanichiliri we dölet mejlis ezalirining qarishiche, xitay xelq pulini uning bazar qimmitidin % 40 töwen tutup, sodida adaletsiz riqabetke yol achmaqta. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet