Béyjing, yawropa ittipaqining xitay toqulma buyumlirini cheklesh toghrisidiki agahlandurushigha inkas qayturdi


2005.04.25
Share on WhatsApp
Share on WhatsApp

Béyjing hökümiti, düshenbe küni bezi döletlerning xitay toqulma buyumlirini cheklishige qet'iy qarshi turidighanliqini bildürdi. Buning sel aldida yawropa ittipaqi kiyim - kéchek we toqulma buyumlar éksporti boyiche xitayni agahlandurup, eger xitay hökümiti toqulma buyumlar ékisportini azaytmisa, xitay mallirigha cheklime qoyudighanliqini jakarlighan.

Yawropa ittipaqining soda komisari pétir mandilson, yekshenbe küni yawropa ittipaqining xitay toqulma buyumlirigha toqquz tür boyiche cheklime qoyudighanliqini bildürgenidi.

Emma xitay soda ministiri bo shiley, "jonggo mallirining bezi yerde téz köpiyishige jonggo terep mesul emes," dep körsetti. Bo shileyning bildürüshiche, xitay mallirining bezi dölet bazarlirida jiddi köpiyip kétishige'" bu döletlerning 2005 - yili 1 - yanwardin ilgiri yolgha qoyghan soda bikinmichilik tedbirliri sewep bolghan." U, béyjing hökümiti xitay mallirining ékisportini kontrol qilish yolida tedbir alghanliqini ilgiri sürdi. Bo shiley, xitay mallirining yawropa we amérikilargha kélishim boyiche ékiport qiliniwatqanliqini bildürgen.

Xitay tashqi ishlar ministirliqining bayanatchisi kong chü'en, " jonggo bezi döletlerning jonggo mallirigha cheklime qoyushini ümid qilmaydu," dédi. Emma bezi toqulma buyumlarning éksporti kishini bi'aram qilidighan derijige barghanliqini tekitligen mandilson, "yawropa ittipaqi bu ehwalgha süküt qilip turmaydu," dep körsetken. Uning tekitlishiche, " xitay mallirigha qarshi tedbir élish waqti kelgen." Yawropa ittipaqining ashkarilishiche, yéqinqi 4 ayda xitay toqulma buyumlirining yawropagha éksporti besh hesse köpeygen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.