Xitay yaponiyining aq tashliq kitabini eyiblidi

Yaponiye seyshenbe küni dölet mudapi'e yilliq doklatida, xitay tehditi nezeriyisini astirttin eks ettürgendin kéyin, xitay tashqi ishlar ministirliqi charshenbe küni buninggha reddiye bérip, bu aq tashliq kitabni "héchqandaq emeliy asasiy yoq" dep körsetti.

Xitay tashqi ishlar ministiri kong chüen sözide, "yaponiye hökümitining ochuq halda xitayni tehdit dep jar sélishining héchqandaq asasi yoq. Bu peqet ammini xata chüshenchige bashlaydu hemde ikki terep otturisida guman we hésiyat qarshiliqini peyda qilip, ikki dölet munasiwitige ziyan yetküzidu" dep bildürdi.

Kong chüen sözide yene, yaponiye terepning ikki döletning uzun mezgillik tereqqiyat weziyitini nezerde tutup, bundaq qarshiliq heriketlirini qilmastin, belki ikki döletning öz-ara ishench we dostluqigha paydiliq ishlarni qilishini ümid qilidighanliqini bildürdi.

Yaponiye da'iriliri dölet mudapi'e aq tashliq kitabida, yaponiye bilen amérika otturisidiki mudapi'e hemkarliqini kücheytish bilen birge, xitayning herbiy xirajiti we herbiy zamaniwiylashturush tereqqiyatigha yéqindin köngül bölüdighanliqini tekitligen idi. (Peride)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar