Chégrisiz muxbirlar teshkilatining jaw yen'ge mukapat bergenliki xitay hökümitini ghezeplendürdi


2005.12.08
Share on WhatsApp
Share on WhatsApp

Chégrisiz muxbirlar teshkilati, "nyu - york waqti géziti" ning xitayda qolgha élin'ghan xadimi jaw yen'ge 2005 - yilliq xelq'ara axbarat mukapati bergendin kéyin, xitay tashqi ishlar ministirliqi peyshenbe küni bayanat élan qilip, chégrisiz muxbirlar teshkilatini eyiblidi.

Xitay tashqi ishlar ministirliqi bayanatchisi chin gang ularni "muxbirlarni ishqa sélip bashqa döletlerning mexpiyetlikini oghrilighan" weqeni mukapatlash bilen eyibligen. Chin gang, " mezkur kishilik hoquqi teshkilatining jaw yenni axbarat erkinliki qehrimani, dep mukapatlashtiki gherizi néme" deydu.

Merkizi parijdiki chégrisiz muxbirlar teshkilati charshenbe küni jaw yenni "özining xizmiti we axbaratchiliq prinsipi arqiliq axbarat erkinlikige töhpe qoshqan jurnalistlar" dégen shan - sherepke muwapiq, dep qarighan. Jaw yen 2004 - yili 9 - ayda qolgha en'glizche " nyu - york waqti géziti" ning béyjingdiki ishxanisida muxbir bolup xizmet qilghan idi.

Birleshme axbarat agéntliqining xewerqilishiche, jaw yenni qolgha élish eyni chaghda jang zéminning ayropilanidin oghriliqche anglash eswabi tépilish setchilikini pash qiliwétish bilen munasiwetlik bolushi mumkin. Chin gang, chégrisiz muxbirlar teshkilatining jaw yenni mukapatlash herikitini , " jonggo edliye ishlirigha arilashqanliqtur" dédi. Jang zéminning ayropilanigha oghriliqche anglash eswabi orunlashturulghanliqini tunji bolup " nyu - york waqti géziti" pash qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.